ကလေး လူကြီး အရွယ်မရွေးပါဝင်နိုင်စေမဲ့ ကာတွန်းရုပ်ပြခေတ်ကိုပြန်လည်ခံစားစေမဲ့ ရုပ်ပြကာတွန်းစာအုပ်များပြပွဲလေးလဲ ပါဝင်တယ်လို့သိရပါတယ်။
ငယ်ငယ်တုန်းကကာတွန်းဇာတ်ကောင်လေးတွေကို ပြန်လည်တွေ့မြင်နိုင်အောင်လဲ တတ်စွမ်းသရွေ့ ပြုလုပ်နေကြပါတယ်။ ဝါရင့်ကာတွန်းဆရာကြီးတွေရဲ့ကာတွန်းလက်ရာတွေကိုလဲ တကွက်ကာတွန်းတွေအပြင် ကိုယ်တိုင်အမှတ်တရယူသွားနိုင်အောင် စီစဉ်ထားပါတယ်။ တကွက်ကာတွန်းတွေကို ပုတက်ကာတွန်းဂျာနယ်က အရောင်ခြယ်ပေးထားပါတယ်။ ကလေးစာကြည့်တိုက်အစီအစဉ်တွေအတွက် ပုံပြောခြင်း၊ လက်မှုပညာ၊ ဉာဏ်စမ်း၊ ပြဇာတ်၊ ပန်းချီဆွဲခြင်း စတဲ့အစီအစဉ်တွေလဲပါဝင်တယ်လို့သိရပါတယ်။
အရင်တုန်းက ကာတွန်းတွေကို စာအုပ်အပြင် ebook အဖြစ်လဲဖတ်ရှုနိုင်အောင် စာကြည့်တိုက်ဝန်ထမ်းတွေက ပြုလုပ်ခဲ့ပြီး လာရောက်ကြသူတွေအတွက် ကြည့်ရှုဖို့ Tablet တွေကို MBAPF က ငှားရမ်းပေးထားမယ်လို့သိရပါတယ်။ ကလေးငယ်များ စာဖတ်ရှိန်မြှင့်တင်နိုင်ဖို့ ဒီပွဲလေးကိုခေါ်လာခဲ့ပေးဖို့လဲ မိဘများကိုနှိုးဆော်လိုက်ရပါတယ်။
အမျိုးသားပြတိုက် (ရန်ကုန်) ဘက်စုံခန်းမ
၆ – ၈ ဇန်နဝါရီ ၂၀၁၇
နံနက် ၁၀ နာရီမှ ညနေ ၃ နာရီ
