ယခုလာမည့် ဗုဒ္ဓဟူးနေ့မှာ ကျင်းပပြုလုပ်မည့် စွန့်ပစ်ပစ္စည်းအသုံးပြု ချန်ပီယံများ ပွဲအစီအစဉ်ကို ကျွန်တော်တို့ နှင့် အတူလာရောက် ကြည့်ရှု့ကြဖို့ဖိတ်ခေါ်အပ်ပါသည်။
၃၅ လမ်းနှင့် ဘားလမ်းကြားရှိ နောက်ဖေးလမ်းကြားဥယျာဉ်တွင် ဇွန်လ ၅ ရက်နေ့၊ နံနက် ၁၀ နာရီ မှ ညနေ ၅ နာရီအထိ အမှိုက်ကနေရွှေ လှုပ်ရှားမှုအစီအစဉ် ကိုကျင်းပပြုလုပ်သွားမည်ဖြစ်သည်။ ယင်းအစီအစဉ်သည် ဒို့အိမ်အဖွဲ့နှင့်အတူ Building Markets နှင့် Coca – Cola အဖွဲ့တို့မှပူးပေါင်း၍ စွန့်ပစ်ပစ္စည်းများ၏ တန်ဖိုး နှင့် တစ်ဦးချင်းစီအနေဖြင့် စွန့်ပစ်ပစ္စည်းများ အဆင့်ဆင့်အသုံးဝင်ပုံ၊ လုပ်ငန်းလည်ပတ်ပုံတို့ကို လူထုအားပိုမိုသိရှိ လေ့လာနိုင်ရန်နှင့် ပူးပေါင်းဆောင်ရွက်လာမှု ပိုမိုဖြစ်ပေါ်လာစေရန် ရည်ရွယ်ပြီး စွန့်ပစ်ပစ္စည်းများနှင့် သက်ဆိုင်သော ဓာတ်ပုံများ၊ဆွေးနွေးမှုများ နှင့် စွန့်ပစ်ပစ္စည်းတို့ဖြင့် ပြုလုပ်ထားသော ပစ္စည်းများကို ပြခန်းသဖွယ် ခင်းကျင်းပြသထားမည်ဖြစ်သည်။
ကျွန်ုပ်တို့အတူတကွ နေထိုင်သော ရန်ကုန်မြို့ကို အမှိုက်ကင်းစင်သော မြို့တော်တစ်ခု ဖြစ်လာစေဖို့ သင့်အနေနှင့်လည်း ပါဝင်ဆောင်ရွက်နိုင်သည့်အတွက် လာရောက်ကြည့်ရှုရန် ဖိတ်ခေါ်အပ်ပါသည်။
———————-