ဂျပန်ဖောင်ဒေးရှင်းရန်ကုန်၏ ဂျပန်ကမ္ဘာ့အမွေအနှစ်စာရင်းဝင်ဒေသများ ဓာတ်ပုံပြပွဲစီးရီး၏ ဒုတိယမြောက်ပြပွဲအဖြစ် ဂျပန်နိုင်ငံ၏ ယူနက်စကိုစာရင်းဝင် သဘာဝအမွေအနှစ်များ (Natural world heritage sites) ၏ ဓာတ်ပုံများကို ပြသသွားမှာ ဖြစ်ပါတယ်။ (The Nature) ဆိုတဲ့ theme အောက်မှာ လွန်ခဲ့သော နှစ်ပေါင်း ၈ဝဝဝ ခန့်က တည်ရှိခဲ့သော ရှိရာခမိတောင်တန်းမှ သစ်မာပင်များ၊ မျိုးတုန်းနိုင်ခြေရှိသော အပင်မျိုးစိတ်များနှင့် သတ္တဝါမျိုးစိတ် အများစုနေထိုင်ရာ ထူးခြားသောဂေဟစနစ်ရှိပြီး ရှေးကျသော သစ်တောများရှိသည့် ယာကုရှီးမားကျွန်း အစရှိသော နေရာများ၏ ရှုမြှော်ခင်းဓာတ်ပုံများကို ပြသသွားမည်ဖြစ်ပါသည်။ ဂျပန်နိုင်ငံ၏ ကွဲပြားသော ပထဝီဝင်အနေအထားနှင့် မပျက်စီးပဲ တည်ရှိနေသည့် သဘာဝကို တွေ့မြင်ခံစားနိုင်မည်ဖြစ်ပါသည်။