(ပြပွဲ၏အကြောင်းအရာ)
ဂျပန်ဖောင်ဒေးရှင်းရန်ကုန် ဓာတ်ပုံပြပွဲစီးရီး၏ အစိတ်အပိုင်းတစ်ခုအနေဖြင့် ယခုတစ်ခေါက်တွင် ဂျပန်ဥယျာဉ်များ၏ ဆောင်းဦးရာသီအလှကို ရိုက်ကူးပုံဖော်ထားသော ဂျပန်နာမည်ကြီးဓာတ်ပုံဆရာ Mr.Mizuno Katsuhiko ၏ အနုပညာလက်ရာများကို ပြသသွားမည်ဖြစ်ပါသည်။ ဆောင်းဦးရာသီကာလတွင် ရိုက်ကူးထားသော ဂျပန်နိုင်ငံရှိ ဥယျာဉ်များ၊ နီရဲရဲ မေပယ်ပင်များ၏ ရှုခင်းအလှဓာတ်ပုံများကို ပြသရန် ရွေးချယ်စီစဉ်ထားပါသည်။ဂျပန်နိုင်ငံ ဆောင်းဦးရာသီ၏ သင်္ကေတများဖြစ်သည့် မေပယ်ပင်များ၏ သဘာဝအလှတရားများ၊ ဂျပန်ဥယျာဉ်များ၏ ဆိတ်ငြိမ်အေးချမ်းသော အလှတရားများကိုကြည့်ရှုရင်း ဂျပန်၏ ဆောင်းဦးရာသီ ရနံ့ အငွေ့အသက်ကို ခံစားသိမြင်နိုင်ရန် “The Emblem of Autumn” ဓာတ်ပုံပြပွဲသို့ လာရောက်၍ ကြည့်ရှုခံစားနိုင်ရန် ဖိတ်ခေါ်လိုက်ပါသည်။

ဓာတ်ပုံဆရာ၏ ကိုယ်ရေးအကျဉ်း
မိဇုနို ခစုဟိကို ကို ကျိုတိုမြို့၏ ခမိဂရေားရပ်ကွက်တွင် ၁၉၄၁ ခုနှစ်၌ ဖွားမြင်ခဲ့ပါသည်။ ဒိုးရှိတတက္ကသိုလ်တွင် ဂျပန်စာပေအထူးပြုဖြင့် ဘွဲ့ရခဲ့ပြီး တိုကျို ဆိုးဂိုး ဓာတ်ပုံကောလိပ်တွင် ဘွဲ့လွန်သင်တန်းကို တက်ရောက်ခဲ့ပါသည်။ မိဇုနိုသည် ၁၉၆၉ ခုနှစ်မှစ၍ ကျိုတိုမြို့၏ ရှုခင်းများကို ဓာတ်ပုံရိုက်ခြင်းအတက်ပညာကို အထူးပြုလေ့လာလိုက်စားခဲ့ပါသည်။ ဂျပန်ရိုးရာယဉ်ကျေးမှုကိုလည်း လေ့လာခဲ့ပြီးနောက်တွင် သူ၏ဓာတ်ပုံများကို တည်းဖြတ်ခြင်းဆိုင်ရာ လုပ်ငန်းကိုပါ လုပ်ဆောင်ခဲ့ပါသည်။
၂ဝဝဝ ခုနှစ်တွင် သူ၏ကိုယ်ပိုင် ဓာတ်ပုံပြခန်းဖြစ်သည့် Townhouse Photo Hall (မချိရ ရှရှင်းကန်) ကို ဖွင့်လှစ်ခဲ့ပါသည်။
သူ၏ သဘာဝတောတောင်ရေမြေ အလှအပများကို ရိုက်ကူးထားသော ရှုခင်းဓာတ်ပုံများသည် Fore World Magazine က ထောက်ပံ့ချီးမြှင့်သော ၂ဝဝ၂ခုနှစ်အတွက် Fore World စာအုပ်၏ “အိမ်နှင့်ဥယျာဉ်” ဓာတ်ပုံအမျိုးအစားအတွက် ရွှေတံဆိပ်ဆု ရရှိခဲ့ပါသည်။
သူသည် ဂျပန်ဓာတ်ပုံဆရာများ အဖွဲ့အစည်းနှင့် ဂျပန်ဓာတ်ပုံအနုပညာအဖွဲ့အစည်း၏ အဖွဲ့ဝင်တစ်ဦးလည်းဖြစ်ပါသည်။
မိဇုနို ခစုဟိကိုသည် စာအုပ်ပေါင်း ၁၄ဝကို ထုတ်ဝေခဲ့ပြီး စာအုပ်အများစုသည် ဓာတ်ပုံပေါင်းချုပ်များဖြစ်သည်။