Japan Myanmar ပွဲတော် 2020 ကို ဖေဖော်ဝါရီလ ၉ ရက်နေ့တွင် သုဝဏ္ဏဘူမိ Event Park (Thuwunna Bhumi) မှာကျင်းပသွားမှာဖြစ်ပါတယ်။

ဆဌမ အကြိမ်မြောက် Japan Myanmar ပွဲတော်ကြီးကို လာမယ့် ၂၀၂၀ ခုနှစ် ဖေဖော်ဝါရီလ ၉ ရက်နေ့၌ သုဝဏ္ဏဘူမိ Event Park တွင် စည်ကား သိုက်မြိုက်စွာ ကျင်းပမည် ဖြစ်ကြောင်း သတင်းကောင်းပါးလိုက်ရပါတယ်။ “ဂျပန်-မြန်မာ တောက်ပတဲ့အနာဂတ်ဆီသို့” ခေါင်းစဉ်ဖြင့် ဂျပန် မြန်မာ နှစ်နိုင်ငံ ချစ်ကြည်ရေးနဲ့ ယဉ်ကျေးမှုတို့ကို ရှေ့ရှု ဖော်ကျူးပြသမယ့်ပွဲတော်တစ်ခုပဲဖြစ်ပါတယ်။

အလန်းစား ဖျော်ဖြေရေး အစီအစဉ်များနဲ့ ဂျပန် မြန်မာ ထုတ်ကုန်ပစ္စည်း အသီးသီးတို့ကို ဈေးနှုန်းချိုသာစွာဖြင့် ခင်းကျင်း ပြသ ရောင်းချပေးမှာဖြစ်ပါတယ်။ သန့်ရှင်းပြီး အရသာကောင်းမွန်တဲ့ ဂျပန် စားသောက်ဆိုင်များကိုလည်း ရွှေမြန်မာတို့ မြိန်ရည်ယှက်ရည် စားသောက်နိုင်ဖို့ အထူးစီစဉ်ပေးထားပါတယ်။

ဒီပွဲမှာ နိုင်ငံကျော်အနုပညာရှင်များမှ လာရောက်ဖျော်ဖြေသွားမှာဖြစ်တာကြောင့် ဖိတ်ခေါ်လိုက်ရပါတယ်။