Goethe-Institut မြန်မာမှာ ကာ့ဖ်ကာပွဲတော်-ရန်ကုန် (KAFKA FESTIVAL YANGON) ကို ဇွန်လ (၁၉) ရက်ကနေ (၂၃) ရက်အထိ ကျင်းပသွားမှာ ဖြစ်ပါတယ်။ ဒီပွဲတော်မှာတော့ ရုပ်ရှင်များ ပြသခြင်း၊ ဖျော်ဖြေမှုများ၊ ကာ့ဖ်ကာ လက်ရာ စာပေများကို ဖတ်ရှုခြင်း၊ စာပေစကားဝိုင်းများ၊ ကာ့ဖ်ကာရဲ့ အရိပ်အငွေ့တွေပါနေတဲ့ မြန်မာ့အနုပညာ၊ (VRwandlung) လို့ခေါ်တဲ့ Virtual Reality ဂိမ်းများ ကစားခြင်းစတာတွေကို ပြုလုပ်သွားမှာ ဖြစ်ပါတယ်။ ဒီတော့ ကာ့ဖ်ကာပွဲတော်ကို လာရောက်ပြီး ကမောက်ကမနိုင်လှတဲ့ ကာ့ဖ်ကာရဲ့ ကမ္ဘာကို ကိုယ်တိုင်ကိုယ်ကျ လာရောက်ခံစားလိုက်ပါ။
**ဝင်ကြေးအခမဲ့** ဖြစ်ပါတယ်။
ဖွင့်ပွဲ။ ။ (၂၀၁၉) ခုနှစ်၊ ဇွန်လ (၁၉) ရက် (ဗုဒ္ဓဟူးနေ့) ညနေ (၆) နာရီ၊ Goethe-Institut မြန်မာ
ကာ့ဖ်ကာပွဲတော်-ရန်ကုန် (KAFKA FESTIVAL YANGON) ကို ရန်ကုန်မြို့ရှိ ချက်ပြည်သူ့သမ္မတနိုင်ငံ သံရုံး၊ Goethe-Institut မြန်မာတို့က ဆွစ်ဇာလန်သံရုံး၊ ဂျပန်ဖောင်ဒေးရှင်းနှင့် ပဲန်မြန်မာ (PEN Myanmar) တို့၏ အကူအညီဖြင့် စီစဉ်ကျင်းပပါသည်။
ဒီဆွေးနွေးပွဲဟာ တစ်ဦးတစ်ယောက်တည်းကပဲ ပြောဆိုနေမယ့် monologue မဟုတ်ပါဘူး။ တက်ရောက်လာကြသူ ဧည့်သည်တော်များနဲ့ အပြန်အလှန် ကာ့ဖ်ကာအကြောင်း ပြောဆိုဆွေးနွေးခံစားကြမယ့် dialogue ဖြစ်ပါတယ်။