Divergence lll လို့အမည်ပေးထားတဲ့ Conceptual Photo Exhibition ကိုပြုလုပ်လာတာဆိုရင် ဒီနှစ်ဆို သုံးနှစ်တိုင်တိုင်ပြည့်မြောက်ခဲ့ပြီပဲဖြစ်ပါတယ်။ယခုနှစ်မှာတော့ ဓါတ်ပုံ သီးသန့်ပြပွဲမျိုး မဟုတ်ပဲ အနုပညာရှင် (၁၆) ယောက်ရဲ့ယခင်နှစ်တွေနဲ့မတူ တစ်မူထူးခြားထားတဲ့လက်ရာတွေကိုမြင်တွေ့ရမှာပဲဖြစ်ပါတယ်။သုံးနှစ်ဆက်တိုက်ပါဝင်ခဲ့တဲ့ အနုပညာရှင်တွေအချို့လည်းပါဝင်ပြသနိုင်ခဲ့ကြသလို အကြောင်းအမျိုးမျိုးကြောင်မြပါဝင်ဖြစ်တဲ့ အနုပညာရှင်တွေလဲရှိခဲ့ပါတယ်။သို့သော်လည်း ယခုနှစ် မျိုးဆက်သစ်လူငယ်အနုပညာရှင်တွေရဲ့လက်ရာတွေကိုတော့မြင်တွေ့ရမှာဖြစ်ပါတယ်။ Divergence လို့အမည်ပေးထားတဲ့အတိုင်း ဒီပြပွဲမှာကမ္ဘာလောက စကြာဝဋ္ဌာ ထဲမှာရှိတဲ့ သက်ရှိသက်မဲ့ ဒြပ်ရှိဒြပ်မဲ့ အားလုံးနဲ့သက်ဆိုင်တဲ့ နိုင်ငံရေးအခြေအနေ…လူသားတွေရဲ့ လူနေမှုအဆင့်အတန်း…စိတ်နေသဘောထား…လူတစ်ဦးတစ်ယောက်ချင်းကသတ်မှတ်ထားတဲ့သဘောထားကွဲလွဲမှု…သဘာဝပါတ်ဝန်းကျင်အနေအထား… စတာတွေအပေါ် အနုပညာရှင်တစ်ဦးချင်းစီရဲ့နောက်ကွယ်ကမတူညီတဲ့အတွေးအခေါ်…အယူအဆ…ခံယူချက်…သဘောထားများနှင့်အတူ ခေတ်ရေစီးကြောင်းနှင့်အညီ အနုပညာကို မည်သို့မည်ပုံ ချဉ်းကပ်ထားသည်ကိုလည်းတွေမြင်ကြရမှာပါ။
New Zero မှ အနုပညာရှင်များ၏လက်ရာများကို လူငယ်တွေရဲ့အင်အားနဲ့လူုကြီးတွေရဲ့ဦးဆောင်မှုနှင့်အတူPerformance,Installation,Photo,Video, Sound Art အစရှိတဲ့ အနုပညာလက်ရာများ အဖြစ်ပါဝင်ပြသထားပါတယ်။ Divergence 1 နှင့် 2 ကို New Zero Art Space တွင်ကျင်းပခဲ့ပြီး ယခုနှစ်မှာတော့ ကွဲပြားတဲ့နေရာ ကျယ်ဝန်းတဲ့ အခန်းအပြင်အဆင်တွေထဲမှာ မတူညီတဲ့ လက်ရာတွေကို ပြသချင်တဲ့ရည်ရွယ်ချက်ဖြင့် လောကနတ်ပြခန်းမှာပြုလုပ်ခဲ့ပါတယ်။နှစ်စဉ် တစ်နှစ်ထက်တစ်နှစ် မတူညီတဲ့ လောကသဘာဝ အကျိုးအကြောင်းတရားတွေကို မတူညီတဲ့ဤ အနုပညာရှင် (၁၆) ယောက်မှ ဖော်ထုတ်ပြသထားတဲ့အနုပညာလက်ရာတွေအဖြစ် ယခုပွဲမှာလည်း မျက်ဝါးထင်ထင်တွေ့မြင်ကြရမှာဖြစ်ပါတယ်။