ယခင်အလုပ်အကိုင်ပြပွဲတွေနဲ့မတူဘဲ စီဗီတစ်စောင်ကို စမတ်ဖုန်းထဲထည့်လာတာနဲ့ ကုမ္ပဏီ ငါးဆယ် ကျော်ကခေါ်ယူနေတဲ့ မတူညီတဲ့အလုပ်အကိုင်တွေကို တစ်နေရာထဲမှာစိတ်ကြိုက် အခမဲ့လျှောက်ထားနိုင်မှာပါ။ အလုပ်လျှောက်ရင်းနဲ့နောက်ထပ် အသိပညာတိုးပွားစေဖို့ စိတ်ခွန်အားတွေဖြစ်စေဖို့အတွက် ဆရာမ မသီတာ (စမ်းချောင်း) နဲ့ ဒေါက်တာဖြိုးသီဟ တို့ ကဟောပြောဆွေးနွေးမယ့် အစီအစဉ်တွေလည်း ရှိပါတယ်။
စီဗီကို ဒီဂျီတယ်ဗားရှင်းဘယ်လို ပြောင်းရမလဲ ဆိုတာစိတ်မပူပါနဲ့။ ကွန်ပျူတာ အလုံးနှစ်ဆယ်ကျော်နဲ့ စီဗီတင်ဖို့အကူအညီပေးမယ့် CV Help Desk တွေအပြင် ဘယ်လိုအလုပ်တွေလျှောက် ရမယ်ဆိုတာကို ပါ အကြံပြုဖို့အဆင်သင့် စောင့်နေမှာပါ။ ဒီဂျီတယ်အလုပ်ကိုင်ပြပွဲဖြစ်တာကြောင့် အင်တာနက်က ချိတ်ပြီးတော့ တန်းလျောက်နိုင်အောင် မြန်နှုန်း မြင့်အင်တာနက်လိုင်းတစ်လိုင်းကို အလုပ်အကိုင်ပြပွဲအတွင်း အခမဲ့ Free WiFi အသုံးပြုနိုင်မှာဖြစ်တဲ့အပြင် ဒီပွဲမှာအလုပ် လျှောက်ဖို့ပဲဖြစ်ဖြစ် အလုပ်ရသွားတာဖြစ်ဖြစ် ဘယ်လိုဝန်ဆောင်ခမှ ပေးစရာမလိုပါဘူး။