၂၀၂၀ ခုနှစ်ရဲ့ မြန်မာဒီဂျစ်တယ်အခွင့်အရေးဖိုရမ်ကိုတက်ရောက်ဖို့ စာရင်းစတင်ပေးသွင်းနိုင်ပါပြီ။
မြန်မာနိုင်ငံ ဒီဂျစ်တယ် အခွင့်အရေးဖိုရမ် (Myanmar Digital Rights Forum – MDRF) ဟာဆိုရင် မြန်မာနိုင်ငံနဲ့ ဒေသတွင်းမှာရှိတဲ့ ဒီဂျစ်တယ် အခွင့်အရေး လှုပ်ရှားမှုအတွက် နှစ်စဉ်ကျင်းပလာတဲ့ အဓိက ဆွေးနွေးပွဲ တစ်ရပ် ဖြစ်လာနေပြီ ဖြစ်ပြီး၊ မြန်မာနိုင်ငံမှာ ဒီဂျစ်တယ် အခွင့်အရေးရရှိရေး ကြိုးပမ်းမှုရဲ့ အဓိက အခြေခံအုတ်မြစ်ဖြစ်လာဖို့ မျှော်မှန်းချက် ထားရှိပါတယ်။

မြန်မာဒီဂျစ်တယ်အခွင့်အရေးဖိုရမ် ၂၀၂၀ (MDRF 2020) က အရပ်ဖက်လူမှုအဖွဲ့အစည်းတွေ၊ စာနယ်ဇင်းနဲ့ သတင်းမီဒီယာသမားတွေ၊ ပြည်တွင်း၊ ပြည်ပက မူဝါဒပိုင်းဆိုင်ပညာရှင်တွေ၊ နည်းပညာရှင်တွေနဲ့အတူ ပုဂ္ဂလိကကဏ္ဍနဲ့ အစိုးရကတာဝန်ရှိတဲ့သူတွေကိုဖိတ်ခေါ်ပြီး ဒီဂျစ်တယ်နည်းပညာတွေရဲ့ လူမှုပတ်ဝန်းကျင်နဲ့ လူ့အခွင့်အရေးတွေအပေါ် သက်ရောက်မှုတွေအတွက် စုပေါင်း ဆွေးနွေး အဖြေရှာနိုင်ဖို့ ရည်ရွယ်ပါတယ်။

လေးကြိမ်မြောက် ကျင်းပတဲ့ မြန်မာဒီဂျစ်တယ်အခွင့်အရေးဖိုရမ် (MDRF) ကို ယခုနှစ်တွင်လည်း Embassy of Sweden နှင့် Heinrich-Böll-Stiftung Myanmar တို့မှပံ့ ပိုးကူညီပေးထားပြီး ဖန်တီးရာ၊ Myan ICT for Development Organisation (MIDO)၊ Myanmar Center for Responsible Business (MCRB)၊ နှင့် Free Expression Myanmar (FEM) စသည့်အဖွဲ့အစည်း ၄ခုတို့ ပူးပေါင်းကာ လာမယ့် ဖေဖော်ဝါရီ ၂၈ရက်နှင့် ၂၉ရက်နေ့တွင် Rose Garden Hotel၊ ရန်ကုန်၌ ကျင်းပပြုလုပ်သွားမည်ဖြစ်ပါသည်။

သင်ဟာ အင်တာနက်ပေါ်မှာ ရှိသင့်တဲ့ လူ့အခွင့်အရေးကို ကာကွယ်ချင်သူ၊ မြန်မာနိုင်ငံက ဒီဂျစ်တယ် အခွင့်အရေးများအကြောင်း ဆွေးနွေးဖို့ စိတ်ဝင်စားသူဆိုရင်တော့ http://bit.ly/MDRF2020 တွင် စာရင်းပေးနိုင်ပါပြီ။ဖိုရမ်ကျင်းပတဲ့ နှစ်ရက်လုံးကိုလည်း တက်ရောက်နိုင်သူ ဖြစ်ရပါမယ်။
စာရင်း နောက်ဆုံးပေးနိုင်သည့်ရက် – ဖောဖော်ဝါရီလ ၁၀ ရက်၊ ၂၀၂၀။