မြန်မာတိုင်း(မ်) မီဒီယာကစီစဉ်သည့် သီတင်းကျွတ်နှင့် ခရီးသွားလုပ်ငန်းဆိုင်ရာပွဲတော် (Thadingyut and Tourism Fair) ကို အောက်တိုဘာ ၃ ရက်နှင့် ၄ ရက်တို့တွင် နံနက် ၁၀ နာရီမှ ည ၈ နာရီအထိ Junction City Main Atrium ၌ ကျင်းပမှာဖြစ်ပါတယ်။

သီတင်းကျွတ်ပွဲတော်ကာလဖြစ်သည့် အောက်တိုဘာ ၁၁ ရက်မှ ၁၅ ရက်အတွင်း ခရီးသွားလိုသူများအတွက် စိတ်တိုင်းကျဖြစ်စေမယ့် ခရီးစဉ်များကို ပြည်တွင်းခရီးသွားလုပ်ငန်းများနှင့် ခရီးသည် ပို့ဆောင်ရေးလုပ်ငန်းများက စီစဉ်ရောင်းချ အရောင်းမြှင့်တင်နိုင်ရန်အတွက် သီတင်းကျွတ်နှင့် ခရီးသွားလုပ်ငန်းဆိုင်ရာပွဲတော်ကို မြန်မာတိုင်း(မ်)ကစီစဉ်ကျင်းပခြင်းဖြစ်ပါတယ်။

အဆိုပါပွဲတော်တွင် စိတ်ဝင်စားဖွယ် ခရီးသွားလာခြင်းနှင့်သက်ဆိုင်သော ကံစမ်းမဲဆွတ်ခူးနိုင်မည့် အခွင့်အရေးလည်းပါဝင်မှာဖြစ်ပြီး သီတင်းကျွတ်နှင့် သီတင်းကျွတ်ပြီးကာလတွင် ပျားရည်ဆမ်းခရီးထွက်ကြမည့် မောင်နှံများနှင့် အားလပ်ရက်များတွင် အနားယူ အပန်းဖြေလိုသူများ အတွက် ခရီးသွားဝန်ဆောင်မှုပေးမည့် လုပ်ငန်းများအကြား ချိတ်ဆက်နိုင်မည့် အရောင်းမြှင့်တင်ခြင်းဆိုင်ရာ အခွင့်အရေးများကိုလည်း ယခုကျင်းပမည့်ပွဲမှတစ်ဆင့် ရရှိနိုင်မှာဖြစ်ပါတယ်။